已報名參選新界東補選嘅民建聯副主席周浩鼎，早前親訪新民黨總部求票，當時新民黨副主席、公民力量召集人潘國山，已即場請佢食檸檬。原來當日周浩鼎食嘅檸檬唔止食一隻，而係兩隻。
新民黨主席葉劉淑儀昨向八方承認，民建聯曾邀該黨派人幫手做競選經理，但葉太就話「我哋無乜人好派喎」，又話𠵱家距補選時間只有8星期，相信即使新民黨答應派人，公民力量過到啲票都好有限。
有傳新民黨考慮派出「桂綸鎂」容海恩做周浩鼎競選經理，葉劉話無可能，「佢（容海恩）都未選過，佢係執業律師，要搵食㗎」，仲話覺得工聯會鄧家彪為周做競選經理冇乜着數，「鄧家彪同范國威隻揪，仲多曝光啦！跟住人尾去選舉，有乜曝光呀？」