自從車路士將摩連奴炒咗，球隊似乎慢慢重回正軌；點知日前又傳出有內部不和，訓練期間出現激烈衝突。話說喺周四球隊進行練習賽嘅時候，巴西中場奧斯卡杜斯山度士有次攔截過勇踢親迪亞高哥斯達（DC），DC一向唔好老脾，鬧完對方之後再喺比賽重開後乘機報復還擊，最後要由隊友勸開佢哋。有傳話奧斯卡喺衝突中俾DC𡁻咗三下，但球會方面就否認有人出拳打人。