澳門因賭業轉差，連帶旅遊業都出事，咁就梗係要救亡，澳門今次有乜招數？原來又係搵曾經來港嘅大黃鴨RubberDuck（圖）打救，希望神奇黃鴨能吸引多啲觀光客。其實大黃鴨2013年5月嚟香港之後，先後去過台灣、青島、貴陽同上海等地，大黃鴨中國之旅官方網站就宣佈，大黃鴨將於今年4月尾駕臨澳門。不過又有消息話，其實大黃鴨好可能農曆新年過後，就會進駐澳門科學館對出海岸。八方就問主辦單位，究竟大黃鴨幾時嚟？對方回應話預計4月29日開始展覽，地點係澳門科學館，為期一個月。