教育局局長吳克儉（圖）早排寧願去日本睇紅葉，都唔去TSA公聽會，搞到一班家長、老師非常勞氣，教協上個月做調查，叫派開成績表嘅老師，派多份畀儉儉評吓佢上年表現，發電郵問卷訪問咗二千幾個大專、中小學同幼稚園教職員。
以滿分5分計，吳克儉上年表現得0.56分，仲低過前年嘅0.79分，真係低處未算低咯！65%受訪教師請佢食蛋畀0分，專上界嘅教職員出手最狠，近7成教師畀0分。如果3分算合格，有95%教師都評吳克儉表現不合格。
4個教育界別中，幼教界老師最唔妥儉儉施政幫唔到自己界別，幾乎爆標98%都畀不合格。教育界立法會議員葉建源話，儉儉評分跌到低谷，都係時候知所進退，認真諗吓辭職嘞。