新民黨副主席田北辰日前為撐俗稱「網絡23條」嘅《版權修訂條例》盡快通過，發言時指兄長田北俊嘅facebook內容全屬「原創」，惹嚟網民同《100毛》狂寸。
《100毛》指田少fb背景圖案中，「原諒我這一生不羈放縱愛自由」一句擺明係黃家駒歌詞，質疑田二少︰「原創？邊度原創呀，睇過？」
田少見到《100毛》寸細佬後「幫理不幫親」，喺《100毛》fb留言玩嘢，話有啲嘢當然唔係原創：「例如我個名頭兩個字都係抄我細佬咋。」（右圖）
毛孩見到田少「識英毛重英毛」，意猶未盡再出擊，話管理田少fb嗰位「田毛毛」，個名一定係純粹巧合啦，「正如你兩兄弟都頭兩個字一樣啦，咁啱箒！」（左圖）唔知田二少會唔會拖馬嚟個大反擊？