雖然聖誕節已經過咗，不過嚟緊有元旦同農曆新年，大家去旅行嘅興奮心情仍未有降溫跡象，最近先達最出名返水貨相機嘅「力天數碼」，有部Nikon Coolpix P900做特價。此機最強之處，係佢以Prosumer的一體式機身，竟然內置一支83x變焦鏡頭，實際焦距為24mm-2,000mm，唔好話生活照同旅行相，打雀都一樣掂。如果你要問缺點，係對焦速度會比一般單反稍慢，機身外形都貼近好多中階單反，機身重量更達899g，全日跟身會做成一定負擔，而且屬水貨機。此機其他功能還包括WiFi、NFC、3吋扭芒、五級光學防手震、GPS及1,600萬像素成像等，機價相當吸引，由一般舖頭$4,980行貨價下調至$4,180，一頭一尾兩個價錢極端，值得考慮。
查詢：力天數碼（旺角先達場一樓F119號舖）
記者：朱崇德